Appocundria ...

[riccif]

Tu si’ ‘na cosa grande pe’ me
‘na cosa ca mi fà ‘nnamurà
‘na cosa che si tu guarda a me
me ne moro accussì guardanno a te
Vurria sape’ ‘na cosa da tè
pecchè cuanno te guardo accussì
si pure tu te siente murì
non me o dice a nun me fai capì
ma pecchè
E dille ‘na vota sola
si pure tu stai tremmanno
e dille ca me vuò bene
comm’io, comm’io, comm’io voglio bene a te
Tu si’ ‘na cosa grande pe’me
‘na cosa ca tu stesso non saie
‘na cosa ca nun aggio avuto maie
‘nu bene accussì, accussì grande
E dille ‘na vota sola
si pure tu stai tremmanno
e dille ca me vuò bene
comm’io, comm’io, comm’io voglio bene a te
Tu si’ ‘na cosa grande pe’me
‘na cosa ca tu stesso non saie
‘na cosa ca nun aggio avuto maie
‘nu bene accussì, accussì grande
accussì grande
accussì grande.

 

[melodia]

ricci.....Penzamme 'a salute!

Tu mm'hê lassato...
tu mm'hê traduto...
che mme ne 'mporta nèh?!
che mme ne 'mporta nèh?!
Mme stó' facenno 'e cunte â fin''o mese,
sparagno 'a copp'a mille lire 'e spese
ca sciupavo pe' te!

Mo mme ne vaco sulo p''a marina,
mo mme ne vaco a pede a Margellina...
E 'e solde ca spennévo,
quanno jévamo 'ncarruzzella...
Mo...
mme n'accatto pizze cávere
e muzzarella!

Mo stóngo allero,
faccio 'o signore...
pe' dint''e varietá,
sciantose 'a ccá e 'a llá...
P'avé n'abbraccio 'a te, nun pare overo,
avev''a fá n'esposto ô Ministero...
mme facive sperí...

E quanno na resélla mme facive,
sempe quacche regalo 'a me vulive...
E 'e solde ca spennévo
pe' n'abbraccio e nu surriso...
Mo...
mme n'accatto vino 'e Pròceda
e palle 'e riso!

Io nun durmevo,
io nun mangiavo:
Penzavo sempe a te...
penzavo sempe a te...
Si mme facevo nu vestito astrinto,
doppo tre ghiuorne ce abballavo 'a dinto...
Mm'ero fatto accussí...

Mo invece tutt''a rrobba mme va stretta,
se scósono 'e buttune d''a giacchetta...
e 'e solde ca spennévo
p''e sserénghe 'e Zambellette,
Mo...
mme n'accatto carne 'e piécuro
e cutalette!

 

[riccif]

Per quando la salute latita




Io cammino ogne notte,
io cammino sbarianno,
io nun tengo maje suonno,
nun chiudo maje ll'uocchie
e nun bevo cafè!

Coro: Va' te cócca, siente a me!...
Va' te cócca, siente a me!...

Na perziana ca sbatte,
nu lampione ca luce...
e nu 'mbriaco ca dice,
bussanno a na porta:
"Mm'arape, Cuncè'?"
'A tre mise nun dormo cchiù:
na vucchella vurría scurdá...
gente, diciteme comm'aggi''a fá?

Coro: Pígliate na pastiglia!
Pígliate na pastiglia,
siente a me...

Pe' mme fá addurmí,
pe' mme fá scurdá,
il mio dolce amor!

Coro: Pígliate na pastiglia!
Pígliate na pastiglia,
siente a me...

Pe' mme fá sentí,
come un gran pasciá
e mm'inebria il cuor!

Dint''e vvetrine 'e tutt''e farmaciste,
la vecchia camomilla ha dato il posto
alle palline 'e glicerofosfato -
bromotelevisionato -
grammi: zero, zero, tre...
Ah!...

Coro: Pígliate na pastiglia,
siente a me!

II

Dint''o scuro na gatta,
mastecanno na sarda,
doce doce mme guarda,
mme guarda, se struscia,
miagola e fa:

Coro: Siente a me: vatte a cuccá!
Siente a me: vatte a cuccá!

Só' nu ciuccio 'e carretta,
carrecato d'ammore
ca se tira stu core...
stu core, ca cerca
la felicitá!...
'A tre mise nun dormo cchiù:
na vucchella vurría scurdá!...
Gente, diciteme comm'aggi''a fá?

Coro: Pígliate na pastiglia!...
...
...

Finale:
Dint''e vvetrine 'e tutt''e farmaciste,
la vecchia camomilla ha dato il posto
alle palline 'e glicerofosfato -
bromotelevisionato -
diddittí, bicarbonato,
borotalco e seme 'e lino,
cataplasma e semolino,
na custata â fiorentina,
mortadella e duje panine
cu nu miezu litro 'e vino,
nu caffé con caffeina,
grammi: zero, zero, tre!...
Ah!...

Coro: Pígliate na pastiglia,
siente a me!

 

[melodia]

Quant'anne só' ca nce vulimmo bene?
Tu nun 'o ssaje e i' manco 'o ssaccio cchiù!...
Io saccio sulamente cuntá 'e ppene
pene ca pe' st'ammore mme daje tu!

Che t'aggi''a dí...
Che t'aggi''a dí, Marí'?
Chesta nun è canzone
ca io canto pe' te!
Te voglio bene, sí!...
Te voglio bene, sí!...
E pe' stu bene, crídeme,
t'aggi''a lassá, Marí'!

II

Pe' 'ncatená stu core t'arricuorde?
Quanta prumesse ca mm'hê fatto fá!...
Doje lacreme cucente, nun mm''e scordo...
dint'a chist'uocchie...che sinceritá!

Che t'aggi''a dí...
...................

III

Saccio sul'i', pe' te scurdá, stu core
ch'ha da suffrí, pe' stá luntano 'a te!...
Ma pure tu ll'hê 'a chiágnere st'ammore...
quanno mme pierde....e cchiù nun truove a me!

Che t'aggi''a dí...

 

[riccif]

'O guarracino ca jeva p'o mare
jeve truvanno de se 'nzorare (...de se 'nguaiare),
se facette 'nu bello vestito
chino chino 'e scorze d'ancino
nu scarpino fatt'a 'ngrese
'a pettinatura a la francese (...'o cazunciello a la francese).
Allustrato e puletiello
jeva facenno 'o nnammuratiello.
'A sardella ca 'o verette
'o ghianco e 'o russo se mettette
po' pigliaie 'o calascione
e 'mpruvvisaie chesta canzone (...po' chiammaie a Pascalone e le cusette lu cazone),
'a canzone c''o liuto
'o guarracino s'è ncannaruto (...s'è nzallanuto).
Passa a tiempo 'a zia vavosa
vecchia trammera zandragliosa
la vavosa pe' 'nu rano
faceva 'a li pisce la ruffiana (...frieva l'ove 'int''a tiana)
jesce llà fora e 'mposta l''o pietto
si vuò stu marito rint''o lietto (...si no t''o fanno 'stu rispietto)
'A sardella a sti parole
se facette 'na bbona scola
de curzera s'affacciaie
e 'o guarracino zenniaie (...e tutte 'e trezze l'ammustraie)
mentre ca lloro amuriggiavano
tutte li pisce se n'addunavano (...la spiavano)
Primma fuie 'na raosta
ca da luntano faceva la posta
pò se ne venne 'a raia petrosa
e la chiammaie uè schefenzosa (...brutta zellosa)
pecché trarev'all'allitterato
ca era geluso e nnammurato (...ca era 'nu piezzo 'e scurnacchiato)
L'allitterato ca l'appuraie
tutti 'e sante jastemmaie
e alluccanno voglio vendetta
corze alla casa comm'a saetta.
Pò s'armaie fino fino
pe' sguarrà lu guarracino (...pe' smazzà lu guarracino)
Marammé oi mamma bella
alluccava la zi' sardella,
e 'a vedé 'stu cumbattimento
le venette 'nu svenimento
le venette 'n'antecore
e tutt'e pisci ascettero fore (...e 'o capitone ascette fore)
Bello e bbuono comm'a niente
ascettero tutte a pisci fetiente.
Tira e molla piglia e afferra
'mmiez'a li pisci lu serra serra
Quatto ciefere arraggiate
se pigliavano a capuzzate tutte li purpe cu ciento vraccia
se pigliavano a pisci 'nfaccia (...a panne 'nfaccia)
'na purpessa a 'na vicina
le faceva lu strascino (...le stracciaie lu suttanino)
Mentre 'e sarde alluccavano a mare
"ca ve pozzano strafucare!"
'nu marvizzo cu 'n'uocchio ammaccato
vuttava mazzate da cecato
quanno cugliette pe' scagno a 'na vopa
chesta pigliaie 'a mazza de scopa
Piglia 'sta mazza e fuje da llà
mannaggia lu pesce c''o baccalà
se secutavano ore e ore
pigliala 'a capa e fuje p''a cora.
Ddoje arenche vecchie bizzoche
se paliavano a poco a poco
e ammaccannose 'o paniello
mettettero mmiezo a 'nu piscitiello
stu piscitiello che era fetente
facette 'na mossa malamente
stu piscitiello svergugnato
facette pe' sotto 'o smaliziato (...disgraziato/...'o scurnacchiato)
Ma 'nu palammeto bunacchione
magnava e cozzeche c''o limone
e 'nu marvizzo 'o vedette sulo
te lo piglia a cavece 'nculo (...a muorze 'nculo)
tutto 'nzieme a 'sta jurnata
se sentette 'na scuppettata.
Pe' la paura a 'na patella
le venette 'na cacarella
pe' la paura 'a nu piscitiello
le venette 'nu riscinziello (...s'arrugnaie lu ciciniello)
mentre 'nu rancio farabutto
muzzecava li piere a tutte
muorte e bbive ne li stesse
ce cantava 'e Ssante Messe.
S'appiccicavano a mala parole
e se 'nturzavano bbuono li mmole
po' pe' farse 'na bbona ragione
danno de mano a lu cannone
'o cannone facette 'nu scuoppo
lu guarracino restaie zuoppo.
Zuoppo zuoppo mmiez''a via
che mmalora e mamma mia (...tuppe tuppe bella mia/che mmalora e sora mia)
Signure mieie ca sentite
vurria sapé si 'o credite
chi s'agliotte 'sti pallune
tene 'nu bbuono cannarone
chi s'agliotte chesta palla
cu tutti li pisci rimman' a galla.
Zuffamiré e zuffamirella
e 'ntinderindì cu la tarantella (...zuffamiré zuffamirà/mannaggia 'o pesce c''o baccalà)

 

[melodia]

.

Te si' fatta na vesta scullata,
nu cappiello cu 'e nastre e cu 'e rrose...
stive 'mmiez'a tre o quatto sciantose
e parlave francese...è accussí?

Fuje ll'autriere ca t'aggio 'ncuntrata
fuje ll'autriere a Tuleto, 'gnorsí...

T'aggio vuluto bene a te!
Tu mm'hê vuluto bene a me!
Mo nun ce amammo cchiù,
ma ê vvote tu,
distrattamente,
pienze a me!...

II

Reginè', quanno stive cu mico,
nun magnave ca pane e cerase...
Nuje campávamo 'e vase, e che vase!
Tu cantave e chiagnive pe' me!

E 'o cardillo cantava cu tico:
"Reginella 'o vò' bene a stu rre!"

T'aggio vuluto bene a te!
Tu mm'hê vuluto bene a me!
Mo nun ce amammo cchiù,
ma ê vvote tu,
distrattamente,
pienze a me!...

III

Oje cardillo, a chi aspiette stasera?
nun 'o vvide? aggio aperta 'a cajóla!
Reginella è vulata? e tu vola!
vola e canta...nun chiagnere ccá:

T'hê 'a truvá na padrona sincera
ch'è cchiù degna 'e sentirte 'e cantá...

T'aggio vuluto bene a te!
Tu mm'hê vuluto bene a me!
Mo nun ce amammo cchiù,
ma ê vvote tu,
distrattamente,
pienze a me!...

 

[riccif]

Uocchie belle ca lucite
comme luce 'o sole 'e maggio...
mme guardate e nun dicite
si stu core pò campá!

Ricce nire, avvellutate,
ca ve sonno tutt''e nnotte...
vuje mm'avite affatturato...
ch'aggi''a fá pe' mme calmá?

Facíteme felice,
facíteme campá!...
I' senz''e vuje, Marí',
nun pòzzo arrepusá!

Quanno fore a 'sta fenesta
io ve veco arracquá 'e rrose,
chistu core mio se resta
n'ora sana pe' guardá...

e mm'avvénce 'a gelusia
dint'a st'anema malata...
penz'ê rrose, bella mia,
furtunate cchiù de me!

Facíteme felice!
..........................

Quann''o sole sponta e vasa
sti capille e st'uocchie nire...
Ah, che spina ca mme trase
dint''o core mio, Marí'...

Só' geluso 'e tutte cosa,
pure 'e st'aria ca respiro...
'e stu sole, 'e chesti rrose,
só' geluso assaje, Marí'!

Facíteme felice!
..........................

 

[melodia]

 

[melodia]

E so' cuntento 'e stà' cu te pecchè
pecchè me faje guardà' senza vedè'
e mi sopporti pe chello che so'
forse un po' di più
i' cu te ce sto buono e tu...
Ma poi del resto t'aspetterei
nun me 'mporta e' chello ca me puo' dà'
lassa che vene dimane e tu
t'accuorge ca nun t'appienne cchiù
voglio guardà'...
voglio tuccà'...
Ma io sul, io sul, io sul nun pozz sta'
E so' cuntento 'e stà' cu te pecchè
pecchè me faje 'mparà' a nun vedè'
e resto in piedi a parlare un po'
di quello che non va
i' cu te ce sto buono ccà
Ma poi del resto t'aspetterei...