Pensavate di averle lette in tutte le lingue le news, invece oggi vi dovete sorbire anche un po' di papiamento
per capire la serietà dei personaggi con i quali abbiamo a che fare
******
CITGO considerando pa muda oficina principal pa Aruba
9 January, 2018, 6:00 am
Den e siguiente dianan aki Asdrúbal Chávez, e actual Presidente di CITGO, lo bishita Aruba pa atende reunionnan cu Gobierno y cu partnernan den e industria petrolero. Parce cu e ta canando rond cu e idea pa muda henter e operacion y e oficina principal di CITGO for di Houston pa Aruba. Ta trata aki di un compania cu aña pasa a maneha no menos di 38 biyon dollar Mericano.
A nombra Asdrúbal Chávez den e funcion di Presidente di CITGO despues cu Gobierno di Venezuela a laga cera e top di PDVSA y e top di CITGO na November ultimo, acusando nan di corupcion, acepta placa di soborno y ladronicia. Chávez ta ex-Minister di Energia y ta primo di ex-Presidente Hugo Chávez. Te ainda decenas di e top di ambos compania ta cera na Caracas.
Chavez rumbo pa Aruba (atrobe)
Asdrúbal Chávez no ta desconoci cu nos isla pasobra el a pasa dianan di fiesta fin di aña riba nos isla, pero den forma priva cu su famia. Meta di su bishita oficial den e siguiente dianan ainda no ta mucho bon conoci, pero fuentenan cerca di CITGO y PDVSA a sigura nos cu e sancionnan impone dor di Gobierno Mericano tin Gobierno Venezolano bastante disgusta, te cu ta considerando pa muda e “Head-Office” di CITGO for di Houston pa Aruba!
Ta trata aki di un compania hopi grandi, cu ta maneha hopi placa pa aña y cu sin duda lo por comberti den un oportunidad unico pa nos pais y nos economia. Ta evalua pa laga e oficina principal ta aki na Aruba, den porta di Venezuela, pero maneha CITGO na Merca for di Oranjestad. Esey ta trece hopi bentaha pa Venezuela pero tambe e ta un forma pa protesta bek contra e trato cu Merca ta dunando Venezuela, siendo un di e paisnan cu reserva mas grandi di productonan petrolero di mundo.
Lo atende proyecto di rehabilitacion di e refineria
Otro tema cu sigur e Presidente nobo di CITGO lo bay atende ta riba continuacion di trabounan pa cu e proyecto di rehabilitacion di e refineria. A papia hopi di cu lo start pronto y cu lo emplea mas o menos 2 mil trahado, pero e realidad ta otro. Es mas, varios compania di construccion a sali caba for di e industria pasobra ta pagando salario di trahadonan sin cu tin trabou pa nan ainda. Cu e bishita di Asdrúbal Chávez ta spera di por convence pa duna OK pa keda cla cu e proceso di financiamento, cu ta mara na mas control riba e compania di construccion (consorcio) y aproba e plan concreto cu tin awor riba mesa.
Tocante CITGO
CITGO Petroleum Corporation (CITGO) ta funda na aña 1910, ta un compania Mericano pero cu ta pertenece na Venezuela, cu ta transporta y mercadea combustibel di transporte, lubricantenan y productonan industrial petrokimico. E oficina principal di CITGO ta na Houston, Texas. Nan ta specificamente den e industria di gasolin y azeta. Su doño ta CITGO Holding Inc. bou unda e tin no menos di 3400 empleado den servicio directo. Nan tin refineria na Lake Charles, Corpus Christi, Romeoville y awor tambe na Aruba
Tocante CITGO Aruba
CITGO Aruba Refining N.V. ta un compania netamente Arubiano, den un grupo di companianan di operacion cu ta resorta bou di PDV Holding Inc, cu ta un doño indirecto di CITGO Petroleum Corporation y ta un subsidiario di Petroleos de Venezuela S.A. (PDVSA), e compania nacional di petroleo di Republica Bolivariana di Venezuela.
CITGO considerando pa muda oficina principal pa Aruba - 24ora.com
*****
Cosa???? Il presidente di CITGO Asdrubal Chavez il 9 Gennaio era a Aruba!!!! sicuro che anche lui per il blocco marittimo e aereo avrà dovuto fare scalo in Colombia
e per far cosa? valutare lo spostamento della sede della CITGO da Houston a Aruba!!!!
Houston, abbiamo un problema!!!
